Псалтирь - Давид царь Страница 105
- Категория: Старинная литература / Древнерусская литература
- Автор: Давид царь
- Страниц: 176
- Добавлено: 2020-09-22 15:36:51
Внимание! Книга может содержать контент только для совершеннолетних. Для несовершеннолетних просмотр данного контента СТРОГО ЗАПРЕЩЕН! Если в книге присутствует наличие пропаганды ЛГБТ и другого, запрещенного контента - просьба написать на почту pbn.book@yandex.ru для удаления материала
Псалтирь - Давид царь краткое содержание
Прочтите описание перед тем, как прочитать онлайн книгу «Псалтирь - Давид царь» бесплатно полную версию:Псалтирь - Давид царь читать онлайн бесплатно
КАФИСМА ТРИНАДЦАТАЯ
Псалом песни в день субботный, 91
2 Благо есть исповедатися Господеви, и пети имени Твоему, Вышний: 3 возвещати заутра милость Твою и истину Твою на всяку нощь, 4 в десятоструннем псалтири с песнию в гуслех. 5 Яко возвеселил мя еси, Господи, в творении Твоем, и в делех руку Твоею возрадуюся. 6 Яко возвеличишася дела Твоя, Господи, зело углубишася помышления Твоя. 7 Муж безумен не познает, и неразумив не разумеет сих. 8 Внегда прозябоша грешницы яко трава, и проникоша вси делающии беззаконие, яко да потребятся в век века. 9 Ты же Вышний во век, Господи. 10 Яко се врази Твои, Господи, яко се врази Твои погибнут, и разыдутся вси делающии беззаконие. 11 И вознесется яко единорога рог мой, и старость моя в елеи мастите. 12 И воззре око мое на враги моя, и востающыя на мя лукавнующыя услышит ухо мое. 13 Праведник яко финикс процветет, яко кедр, иже в Ливане, умножится. 14 Насаждени в дому Господни, во дворех Бога нашего процветут, 15 еще умножатся в старости мастите, и благоприемлюще будут. 16 Да возвестят, яко прав Господь Бог наш, и несть неправды в Нем.
Жалоба
Напишите нам, и мы в срочном порядке примем меры.